Mindin a face

Some times whin I look at a face in a crood
I  tink,  feth I ken him, or at least I shud
I’ll no mind da name, or whit pairt he is fae
Maybe fae Mossbank, or Vidlin, or Brae.

Bit mindin faces is really an art
An da  Shetland crofter’s da  boy fir dis part
He can stand at da crö an tell at a glance
Wha owns a hug wi his look or his stance.

“Yea yun een is Rasmies”, he’ll declare wi glee
“He’s ower little wirt ta belang ta me”
“An yun lamb ower yunder belangs ta da Knowe"
"Hit has a face laek a weel ridden sow”.

Bit dis art o da crofter can geng a bit gly
Whin greed taks ower, du kens da wye
For as shun as he sees a guid looking lamb
He shouts, “Sees du dat boy, da face o wir ram”.

Auld Rasmie

Comments

[Auld Rasmie]

Thank you for including one of my poems on your website, in the midst of writing from people of such obvious literary capability.

Kind regards,
Auld Rasmie